Олунньу 3 кунуттэн Төрөөбүт тыл уонна сурук-бичик күнүн көрсө 10 хонуктаах тэрээһиннэр саҕаланнылар. Саха өрөспүүбүлүкэтин өрөгөй ырыатын кэннэ оҕолор хоһуйар хомоҕой хоһоонноох оһуохай төбүрүөннүү төгүрүк далай түһүлгэтигэр эргийэ хаамтылар. “Төрөөбүт төрүт тыл түөрэҕэ” нэдиэлэ иккис күнүн тэрээһининэн “Уус уран тыл холбуката – кинигэ” көрсүһүү буолла. Нэһилиэк бибилэтиэкэрэ Татьяна Аркадьевна Күндээдэбит уонна кини олохтоохторун туһунан кинигэлэри, оттон түмэл үлэһитэ Маргарита Михайловна саамай былыргы кинигэ туһунан “Биир экспонат кэпсэлэ” диэн билиһиннэрдэ. Оҕолор кинигэлэргэ чугас дьоннорун булан көрөн үөрдүлэр, ыалдьыттары кытта бэркэ сэргээн сэлэстилэр. Тэрээһини эбии үөрэхтээһин педагога Ольга Иванова эппиэтинэс сүгэн ыытта. “Төрүт тыл толоонугар” уhус куну салайар киһинэн логопед Светлана Сергеева буолла. Оонньуулары иитээччилэр Лидия Секова, Вера Иванова бэрт сэргэхтик ыыттылар. Оҕолор төрөөбүт тылларынан саҥарар дьоҕурдарын сайыннардылар, тылларын саппааһын хаҥаттылар, өбүгэ тылы кытта сибээстээх үгэстэрин билистилэр. Кырачааннар кыраларын көрүмэҥ – төрүт тыл толоонугар толлон турбакка оонньоотулар. Иитээччилэрэ Валентина Варламова саастарыгар сөптөөх сэргэх сорудахтары толкуйдаан тэрээһин бэрткэ барда.
Төрөөбүт тыл уонна сурук-бичик күнүн өссө биир тэрээһининэн “Хартыына тыла-өһө” буолла. Манна “Картинная галарея в ДОУ” Бүтүн Арассыыйатааҕы бырайыакка үлэлэһэр Валентина Петрова А.В.Чикачев “Баҕа санаа” хартыынатын билиһиннэрдэ. Оттон 8 кылаас үөрэнээччитэ Дьулус Борисов хартыынаҕа олоҕуран ‘тыы’, ‘оҥочо’, ‘собо’ диэн тыллары оҕолорго быһаарда.
Тэрээhиннэр хаартыскалара фотогалерея5а угулунна.