detsad

Олоҥхо күннэрин биир сэргэх тэрээһинин Ньурба куорат “Сыахай эйгэтэ” түмсүүтүн салайааччыта Галина Федорова бэлэхтээтэ. Кини Спиридон Васильевич Петров – ЧЫЫЧААХ “Оҕо Дьулаах бухатыыр” олоҥхотун дьоруойдарынан оҥорбут сыахайдарын быыстапкатын көрдөрдө. “Оҕолор кыра дьон диэтэххэ олоҥхо диэни, үс дойду олохтоохторун бэрткэ билэллэр эбит, тута Айыы оҕото бухатыыр ханна баарый дии тоһуйдулар” – диэн кэпсиир кини. Оҕолор хас биирдии сыахайы бэрткэ сыныйан көрдүлэр. Тимир наарта сыарҕалаах Аар Кудай кунаннаах Тимир Дибдиргэ бухатыыры, сыыр быстыбытын курдук сыллары барбыт сырайдаах, дьэбин сиэбит хотуурун курдук тимир дьэҥкиэр тиистээх, үөһэ уоһа муннун кытта үөрдүһэн үөскээбит, аллараа уоһа түөһун кытта аргыстаһан аһыллыбыт, сырайын ортотугар суос-соҕотох эт бэргэн харахтаах абааһы уолун, күннээх аата Көмүс Хоҥоруу барахсаны биирдии бэйэлэрэ илиилэригэр ылан тутан-хабан көрүөхтэрин бэрткэ баҕардылар.
Галина Дмитриенаҕа ыҥырыыбытын ылынан анаан тахсан иитэр-үөрэтэр үлэбитигэр көмө буолбутугар үтүөнү эрэ баҕара махтал эттибит, өйдөбунньүк хаартыскаҕа түстүбүт.