detsad

Уһуйааммыт үбүлүөйдээх тэрээһиннэрин чэрчитинэн сэтинньи ый 26 күнүгэр төрөппүттэри уонна сокуоннай эппиэтинэстээх аймах дьону үөрэтэр үлэни кытта билиһиннэрэр соруктаах бөлөх аайы аһаҕас дьарыктар тэрилиннилэр. Ол курдук “Остуоруйаҕа ыалдьыттыыбыт” дьарыгы 3-4 саастаахтарга Любовь Павлова, 4 -5 саастаахтарга Саргылана Васильева, “Ойуур остуоруйата” – улахан бөлөх оҕолоругар Вера Иванова, Валентина Петрова, “Кыһыҥҥы ойуурга” физкультура уонна тылы сайыннарыы ситимнээх дьарыгын Ольга Иванова, Светлана Сергеева ыыттылар.
Оттон кыра бөлөх төрөппүттэригэр “Күнү көрдүүбүт” тиэмэҕэ дьарыгы устан көрдөрөн иитээччилэр Валентина Варламова, Лидия Секова билиһиннэрдилэр.
Оҕолорун уһуйааҥҥа олоҕор, билиитин, сатабылын таһымыгар интэриэстээх дьон кэлэн дьарыктары, уһуйааччылар таһымнарын астына сыаналаан, оҕолоруттан сахалыы сэмэйдик дуоһуйа үөрэн тарҕастылар.
Инникитин да кэнчээрилэрбит сайдар саргыларын, үүнэр кэскиллэрин туһугар бииргэ үлэлииргэ бүк эрэллээхпит.